Puryagaba This Shirt

Nung sinabi kong susuportahan ko ang aking division, sinabi kong susuporta talaga ako. Hindi ko naman inexpect na mapupunta ang pera ng support ko sa shirt na ito. Okay, sa mga hindi alam, eto po ang college days shirt ng aming division. Sa mga hindi nakahalata, ang image po sa color violet na t-shirt na iyan ay isang chameleon. Oo, isang chameleon. Isang kaawa-awa, walang alam, walang kamuwang-muwang na chameleon. Sa siyam (9) na division kasi ng aming university (sa Ateneo de Davao po ako nag-aaral), may mga tig-iisang mascot ang bawat division na nagsisimbolo di umano ng kanilang specialty. Swerte nga nung iba eh kasi ang angas-angas nung mga animal mascot nila:

• Natural Science and Mathematics - FALCON
• School of Nursing - PANTHER
• School of Arts and Letters - PHOENIX
• Business and Management - VIPER
• Accountancy - GRIFFIN
• School of Education - SHARK
• Social Sciences - DRAGON
• School of Engineering and Architecture - TIGER
• Tapos kami, Computer Studies - CHAMELEON

Actually, meron pa'ng isang division - Philosophy - at OWL ang kanilang animal mascot. Kaya lang nitong pasukan lang sinabi ng kataas-taasan na ang Humanities division at Philosophy division ay i co-combine at gagawin silang School of Arts and Letters. At yun nga, ginawa silang isang division. In-adapt na nung mga dating taga Philosophy division ang mascot ng mga taga Humanities division na PHEONIX. Pero may nagbebenta pa rin ng college days shirt na owl ang design para magbigay galang sa Philosophy division.

So anyway, balik tayo sa t-shirt na ito. Sa lahat ng college days shirt na nabili ko na ang design eh pansuporta sa aking natatanging division, eh ito na ang pinaka-malamya, pinaka-nakakaasar, at pinaka-nakakadisgrasyang college days shirt na nabili ko sa halagang 180 pesos. No offense to the designer ha pero mas maganda pa talagang tignan yung shirt ng ibang division kaysa sa amin. Binalak ko pa ngang kumuha nung sa School of Education tsaka sa School of Nursing kasi ang astig-astig ng shirt nila. Yun yung matatawag mo'ng College Days shirt talaga. Ang makukuha mo lang sa shirt na to eh, ano... Ah... Pamabahay na shirt. Oo, yun. Pamabahay na shirt. Isang makulay, maaliwalas at bading na kulay na pambahay.

Pwera biro, hindi ko talaga ito susuotin sa Cheerdance competition kahit tutukan pa nila ako ng baril at sasabihan nila ako na hindi daw ako sumusuporta sa division ko, o kaya babantaan nila akong papatayin nila ang aso ko kung hindi ko susuotin yan sa cheerdance event this Saturday. Nek nek niyo! Mas gugustuhin ko pang suoting yung college days shirt ng division ko last year kaysa sa ito. Eto, pambahay lang talaga to eh. Pambahay! Tsk tsk tsk.

Pero anyway kokey, sabi pa nga ng teacher ko sa Economics, sunk cost na ito. Hindi ko na mababalik yung pera kahit ano'ng gawin ko. Accept-accept na lang tayo nito. Gusto ko lang naman talaga eh isang memorabilia ng huling college days ko. Huling taon ko na kaya ito sa college, dapat yung pinaka strong na memorabilia ang dapat kong makuha. Hindi gaya nito na pasadong-pasado sa pamabahay shirt stock. Pero sige na nga lang. The first step to peace is acceptance. Ata. Kaya sige, mamahalin ko na lang ang shirt na ito kahit hindi ko gusto. Pero para sa division ko, gagawin ko lahat para suportahan kayo.

Let's go CS!

*Cue in ma-dramang background music. Yung tipong makakapagpa-init ng damdamin, at makakapagpa-inspire ng todong-todo. Yung makakaluha ang tao sa sobrang burst of emotions. Go. *